ആർ ബി ഐ വായ്പാ നയം : ഇക്കുറിയും പലിശനിരക്ക് കുറച്ചില്ല,
Johnys - Malayalam
റിസർവ് ബാങ്ക് ഓഫ് ഇന്ത്യ അടിസ്ഥാന പലിശനിരക്കിൽ മാറ്റം വരുത്താതെ വായ്പാ നയം പ്രഖ്യാപിച്ചു. ആർ ബി ഐ വാണിജ്യ ബാങ്കുകൾക്കു നൽകുന്ന ഹ്രസ്വകാല വായ്പയുടെ പലിശ നിരക്കായ റീപ്പോ 6.25ശതമാനത്തിൽ തുടരും. അതേസമയം, ബാങ്കുകൾ റിസർവ് ബാങ്കിൽ സൂക്ഷിക്കുന്ന പണത്തിനുള്ള പലിശയായ റിവേഴ്സ് റീപ്പോ 0.25% കൂട്ടി ആറ് ശതമാനമാക്കി.ഇപ്പോഴത്തെ നിരക്കിൽ റീപ്പോ ആറു വർഷത്തെ താഴ്ന്ന തലത്തിലാണ്.
നാണ്യപ്പെരുപ്പ നിരക്ക് ഉയരുമെന്ന ആശങ്കയും നില നിൽക്കുന്നുണ്ട്.സാമ്പത്തിക രംഗത്ത് നിർണായക സ്വാധീനം ചെലുത്തുന്ന മഴയുടെ അളവ് ഇക്കുറി കുറയുമെന്നാണ് റിപ്പോർട്ട്, അങ്ങനെയെങ്കിൽ ഭക്ഷ്യ ഉൽപന്ന വിലക്കയറ്റത്തിനും ഇതു വഴിയൊരുക്കുമെന്ന് ആർ ബി ഐ വിലയിരുത്തുന്നു.റീപ്പോ റിവേഴ്സ് റീപ്പോ നിരക്കുകളിലെ അന്തരം കുറയുന്നത്. പണ വിപണിയിൽ സ്ഥിരത ഉറപ്പാക്കാനും ബാങ്കിങ് മേഖലയിലെ അധിക പണത്തിന്റെ തോത് കുറയ്ക്കാനും വഴിയൊരുക്കുമെന്ന് കരുതുന്നു.