ആർക്കും വേണ്ട : ഹഡ്കോയുടെ ചെറുകിട ഭവന വായ്പാ പദ്ധതി നിർത്തണമെന്നു പാർലമെന്റ് സമിതി,
Johnys - Malayalam
ഭവനനിർമാണ നഗര വികസന കോർപറേഷന്റെ (ഹഡ്കോ) ചെറുകിട ഭവന വായ്പാ പദ്ധതിയായ ഹഡ്കോ നിവാസ് മുൻ വർഷം വായ്പ നൽകിയത് 86 വീടുകൾക്ക്. പൊതുമേഖലാ സ്ഥാപനങ്ങളുമായി ബന്ധപ്പെട്ട പാർലമെന്റ് സമിതിയുടേതാണു കണ്ടെത്തൽ.
മിനി രത്ന പദവിയിലുള്ള ഹഡ്കോ രാജ്യമെങ്ങും വൻ പദ്ധതികൾ ഏറ്റെടുത്തു നടപ്പാക്കുന്നെങ്കിലും ചെറുകിട ഭവന വായ്പാ രംഗത്തു പിന്നോക്കം പോകുന്നതിൽ സമിതി അദ്ഭുതം പ്രകടിപ്പിച്ചു. വ്യക്തികൾക്കു ഹഡ്കോയിൽ നിന്നു വായ്പ ലഭിക്കില്ലെന്ന ധാരണ കാരണമായിരിക്കാം ഇത് . നഗരവികസന മന്ത്രാലയം നൽകിയ വിശദീകരണം അവർക്കു തൃപ്തികരമായിട്ടില്ല.
സമിതിയുടെ വിലയിരുത്തൽ
-
പ്രോസസിങ് ഫീസില്ലാത്തത്. പലിശ സബ്സിഡി, അവസാന രണ്ടു ഗഡു ഇളവ്. അപകട ഇൻഷുറൻസ് തുടങ്ങിയ സവിശേഷതകളുണ്ടായിട്ടും പദ്ധതിക്ക് അർഹമായ പ്രചാരം നൽകുന്നില്ല. പദ്ധതിയുടെ പരാജയകാരണം അതാണ്.
-
പദ്ധതി നിർവഹണ ചുമതലയുള്ള 32 മേഖലാ ഓഫീസുകളുടെ പ്രവർത്തനം നിരീക്ഷിക്കാൻ സംവിധാനമേർപ്പെടുത്തണം.
-
വ്യക്തിഗത ഭവനവായ്പാ മേഖലയിൽ പദ്ധതി ജനകീയമാക്കാൻ അടിയന്തര നടപടികൾ സ്വീകരിക്കണം.