ഭൂമിയുടെ ന്യായവിലയും റജിസ്ട്രേഷൻ ഫീസും കുറയ്ക്കുന്നത് പരിഗണനയിൽ,
Johnys - Malayalam
നോട്ട് പിൻവലിക്കലിനെ തുടർന്നു ഭൂമി റജിസ്ട്രേഷനിലുണ്ടായ കനത്ത ഇടിവു പരിഹരിക്കാൻ ഭൂമിയുടെ ന്യായവിലയും റജിസ്ട്രേഷൻ ഫീസും കുറയ്ക്കണമെന്ന ആവശ്യം സർക്കാരിന്റെ പരിഗണനയിൽ. സർക്കാരിന്റെ വരുമാനത്തെ കാര്യമായി ബാധിക്കാതെ പ്രശ്നം എങ്ങനെ പരിഹരിക്കാനാകുമെന്നാണു സർക്കാർ ആലോചിക്കുന്നത്.
1000,500 രൂപ നോട്ടുകൾ പിൻവലിച്ച നവംബറിനു ശേഷം ഭൂമി റജിസ്ട്രേഷൻ പകുതിയിലേറെയായി കുറഞ്ഞിരുന്നു. ജനുവരി മാസത്തോടെ സ്ഥിതിഗതികൾ മെച്ചപ്പെട്ടെങ്കിലും പഴയ നിലയിലേക്കെത്താൻ ഇനിയും സമയമെടുക്കും. ഭൂമി രജിസ്റ്റർ ചെയ്യുമ്പോൾ മുഴുവൻ തുകയും ആധാരത്തിൽ കാണിക്കണമെന്നു വന്നതോടെ റിയൽ എസ്റ്റേറ്റ് മേഖല കടുത്ത പ്രതിസന്ധിയിലായിരുന്നു.